Java
Java er eit programmeringsspråk som opphavleg vart utvikla av Sun Microsystems, men har sidan den gong vorte open kjeldekode. Det er vanleg å bruke eksempelvis Eclipse eller NetBeans som utviklarmiljø (IDE). Java er objektorientert og blir ofte brukt innan utvikling av programvare. Det er òg kjent for å bli brukt til å lage mobilappar til operativsystemet Android.
C++
C++ er ei form for ei utviding av programmeringsspråket C og har mellom anna støtte for objektorientert programmering. Dette programmeringsspråket er mellom anna mykje brukt i samband med programvare- og spillutvikling, men er fleksibelt for fleire andre område.
Python
Python er, saman med Java og C, eit av dei mest populære programmeringsspråka i verda. Python blir brukt av fleire kjente nettstader og i programvare og er ofte brukt som scriptsspråk i fleire kjente program.
JavaScript
JavaScript er eit programmeringsspråk som i stor grad blir nytta til webutvikling og kanskje er best kjent for å lage interaktive nettsider. JavaScript blir ofte brukt i ein kombinasjon saman med HTML og CSS. Sjølv om namna iblant blir brukte om kvarandre, er JavaScript og Java to ulike programmeringsspråk. Det vil derfor vere feil å kalle JavaScript for Java eller omvendt.
Objective-C og Swift
Xcode er namnet på Apple utviklarmiljøet sitt (IDE) som kan nyttast til å utvikle appar til til dømes iOS. Dei mest vanlege programmeringsspråka som blir nytta i Xcode er Objective-C og Swift. Med desse programmeringsspråka kan ein til dømes utvikle appar for iPhone. Objective-C vart utvikla i 1984 og er basert på programmeringsspråket C. Det har sidan den tida vore Apples primære programmeringsspråk. Swift vart lansert av Apple i 2014.