Oppgåve
Yrke med høgare utdanning
Som fagarbeidar innan helse-og oppveksttenestene samarbeider du med andre yrkesgrupper for å sikre eit best mogleg tilbod til brukarane. I denne oppgåva kan du lære om utdanninga til yrkesgruppene med utdanning frå høgskular og universitet og kva som er arbeidsoppgåvene deira.
Bilete: Frank May / CC BY-NC 4.0
For at tilbodet til brukarar av tenester innan helse- og oppvekstsektoren skal vere best mogleg, er det naudsynt at yrkesutøvarar med ulik kompetanse samarbeider tverrfagleg for å utfylle kvarandre. Nokre gonger samarbeider du også med fagpersonar frå andre instansar, som til dømes politi, brannvesen eller barnevern.
- Vel eit av dei 11 yrka innan helse- og oppvekstfag som du kan tenkje deg å utdanne deg til.
- Beskriv ein arbeidsplass der du ønskjer å jobbe, og kva for arbeidsoppgåver du som fagarbeidar har der.
Lag eit oversyn over
- kva for yrke med høgare utdanning det er naturleg å samarbeide med på den arbeidsplassen der du ønskjer å jobbe
- kva for utdanning dei ulike yrka har
- arbeidsoppgåvene til dei ulike yrkesgruppene
- Kvifor er det viktig at ulike yrkesgrupper samarbeider der du ønskjer å arbeide?
- Ta utgangspunkt i yrket du valde i oppgåve 1. Kva kan du som fagarbeidar bidra med i tverrfagleg samarbeid på arbeidsplassen?
- Kva for personlege eigenskapar er viktige for å få eit godt samarbeid på tvers av yrke?