Oppgåve
Aktivitet for barn og ungdom
I faget yrkesfagleg fordjuping skal du å få kjennskap til ulike yrke. For å bli kjend med barne- og ungdomsarbeidarfaget skal du i denne oppgåva jobbe med å planleggje ulike aktivitetar for barn og unge.
Bilete: Berit Keilen / CC BY-NC-SA 4.0
- Du er i praksis i barnehage. Der er du på avdelinga for barn mellom 1 og 3 år. I dag skal de jobbe med digitale forteljingar. Du skal planleggje aktiviteten.
- Du er i praksis på SFO. I dag skal de på tur. De skal gå til ein turplass der det er bål. For å komme dit må de krysse ein bilveg. Du skal planleggje turen og aktiviteten når de kjem fram.
- Du er i praksis på ein ungdomsklubb. I dag er det filmkveld med servering av mat. Du skal planleggje aktiviteten denne kvelden. Det inneber val av meny og val av film. Ungdommane er mellom 12 og 15 år.
- Grunngi vala du har teke for aktiviteten. Kvifor passar dette til denne brukargruppa?
- Lag ein detaljert plan for aktiviteten.
- Korleis bidreg aktiviteten du har valt, til meistring og gode opplevingar for deltakarane?
- Kva kan gå gale under gjennomføring av desse aktivitetane? Lag ein liten risikoanalyse og beskriv korleis du vil førebyggje uhell og ulykker.
- Set opp 4–5 reglar for aktiviteten, som du skal presentere for brukargruppa.
- Kva hygienetiltak må gjennomførast i aktiviteten du har valt?