Mange butikkar har i dag overteke nokre av oppgåvene til Posten. Praksisbedrifta di har "Post i butikk", og du bruker mykje tid på å informere kundar om kva som kan og ikkje kan sendast i posten. Du ser deg nøydd til å lage ein plakat som informerer om dette – på ein måte folk forstår.
Oppgåve i par
- Lag ein plakat som informerer om kva som er forbode innhald i postsendingar. Skriv med eigne ord, på ein høfleg og informativ måte.
- Finn nøyaktig informasjon om kva som ikkje skal sendast per post på Posten sine nettsider.
Viktige ting å tenke på
- kven som er mottakar av bodskapen dykkar
- kva de vil oppnå med plakaten
- blikkfang
- fargebruk
- skrifttype og storleikar
- komposisjon – biletbruk, plassering av bilete og tekst
- bruk av teikningar eller fotografi
Framgangsmåte
- Finn nødvendig informasjon om farleg og forbode innhald i brev og pakkar på Posten sine nettsider.
- Sil ut det som er mest aktuelt for kundane dykkar.
- Bruk tid på å finne bilete som er relevante, og som framhevar bodskapen dykkar. Sjå gjerne på andre informasjonsplakatar for å få inspirasjon og idéar.
- Bruk tid på å kladde og lage skisser. Då blir det enklare å sjå kvar de kan plassere bilete og tekst, og å sjekke om idéane dykkar fungerer.
- Lag plakaten digitalt. Bruk eit passande program som du har tilgang til.
CC BY-SASkrive av Cathrine Meyer Johansen og Tove Knutsen.
Sist fagleg oppdatert 15.04.2020