Arbeidsoppdrag
Oppdrag som fotojournalist
I dette arbeidsoppdraget skal du illustrere ei pressemelding frå NTB. Biletet skal støtte opp under og gi meirverdi til teksten.
Bilete: Kerstin Mertens / CC BY-NC-SA 4.0
Du arbeider som pressefotograf i regionavisa. På morgonmøtet får du i oppdrag å fotografere eit illustrasjonsbilete til ei nyheitsmelding frå NTB. NTB er eit uavhengig, norsk nyheitsbyrå som leverer nyheiter og bilete til norske medium.
Vel ei nyheit frå nettsida til NTB:
- Studer meldinga nøye. Kva er eigentleg kjernen i saka?
- Lag skisser til tre ulike illustrasjonsfotografi som kan passe til denne saka. Skissa skal vise motiv, biletvinkel og biletutsnitt.
- Vel ei av skissene, og ta ein serie bilete. Vel ut det beste.
- Presenter biletet for klassen saman med dei tre skissene du laga i førekant. Forklar kvifor du valde å bruke nettopp dette biletet, kva meirverdi biletet gir til saka, og korleis biletet kommuniserer med lesarane.