Journalistikk er informasjon om noko som faktisk finst eller noko som faktisk har hendt. Derfor må journalisten vurdere informasjon frå kjelder på ein kritisk måte. Journalisten har eit viktig samfunnsoppdrag på vegner av folket og må følgje presseetiske reglar.

Som journalist bruker du ulike kjelder for å hente inn informasjon om faktiske hendingar. Så vurderer du informasjonen kritisk, og deretter formar du ut ei medieforteljing ved hjelp av dei forteljetekniske verkemidla du har til rådvelde i sjangeren du har valt.