Oppgåve

Kjeldeetikk og journalistisk integritet

Den unge journalisten Frank opplever ein etisk utfordrande situasjon når han blir beden om å utføre eit oppdrag. Kva ville du ha gjort dersom du var Frank?

Planane om eit vindkraftverk i kommunen skaper eit heftig engasjement i befolkninga. Ein ung journalist får i oppdrag å dekke utbygginga av eit vindkraftverk i kommunen Ytenes, der han sjølv vaks opp. Avisa sender han dit for å skaffe spenstige intervju. Han møter ei tidlegare barndomsvenninne som fortel at folk har flytta på grunn av støy, og at han som journalist kan få fram dette perspektivet. Onkelen, som også er ordførar, fortel at han ville vere del av det grøne skiftet. Arbeidsplassane har blitt fleire, og det har komme ei ny drivkraft i ein fråflyttingstrua kommune. Frank slit med å finne ei god vinkling på artikkelen han jobbar med. Video: film_konsulentene / CC BY-NC-SA 4.0

Oppgåve 1

Sjå filmen. Ein ung journalist får i oppdrag å dekke ei sak i den kommunen han har vakse opp i.

Kva etiske dilemma er det journalisten Frank står overfor når han skal dekke saka om utbygging av vindkraftverk i Ytenes?

Grunngi svaret ditt med tilvising til paragrafar i Ver Varsam-plakaten som handlar om bruk av kjelder og journalistisk integritet.

Pressens faglige utvalg: Ver Varsam-plakaten

Oppgåve 2

Diskuter med ein medelev om det er rett eller gale av redaksjonssjefen å sende Frank ut på dette oppdraget.

Oppgåve 3

Frank er usikker på korleis han skal vinkle saka. No skal du hjelpe han.

Skriv saka om utbygging av vindkraftverk i Ytenes slik du meiner Frank burde ha gjort det.

Grunngi den vinklinga du har valt, og måten du har valt å bruke kjeldene på.

Relatert innhald

Oppgåver og aktivitetar

Storm i kommentarfeltet

Gjennomfør faktasjekk av kommentarar i eit Facebook-innlegg om vindmøller.