Oppgave
Lag ein presentasjon av statistikken din
Det finst mange måtar å tolke, velje og presentere statistikk på. Her får du prøve sjølv.
Bilete: Berit Roald / CC BY-NC-SA 4.0
- Finn ut kva som skal presenterast. Skal du for eksempel samanlikne eigen mediebruk med statistikken frå Medienorge, eller skal de lage ein samla statistikk for mediebruken til heile klassen? I begge tilfelle må de plukke ut nokre kategoriar.
- Lag eit stolpediagram der X-aksen består av tre medium. Y-aksen skal bestå av talet på den daglege bruken i minuttar. Du skal ha to stolpar for kvar kategori. Ein som viser din eller klassen sin mediebruk, og ein som viser gjennomsnittet for befolkninga.
- Skriv ein kort tekst som forklarer statistikken.
- Publiser diagrammet. Avtal med læraren kvar det skal publiserast, og om det skal vere offentleg eller privat vising. Det viktigaste er at andre kan sjå og eventuelt kommentere diagrammet.
Diskuter med den du sit ved sida av, eller med heile klassen:
- Korleis kan vi bruke det vi har lært, til å vere gode, kritiske lesarar av andre sin statistikk, anten dei andre er journalistar, politikarar eller kommersielle aktørar?