Å bidra til at barn og unge utviklar eit positivt sjølvbilete og å førebygge mobbing er viktig i arbeidet som barne- og ungdomsarbeidar. Barn og unge treng vaksne som bidreg til å styrke sjølvkjensla deira, og som kan snakke med dei om kva dei kan gjere for at alle skal ha det greitt.

Barne- og ungdomsarbeidaren skal arbeide for at barn har det bra, får tru på seg sjølv og eiga meistring og opplever seg som verdifulle akkurat slik de er. Du må derfor ha kunnskap om kva som påverkar sjølvkjensla, sjølvbiletet og identiteten til barnet positivt.