De har fått i oppdrag å lage banner til ei utstilling om stilhistorie. Set deg inn i kva som kjenneteiknar perioden du skal lage banner til. Korleis kan du få fram det som er typisk, ved bruk av fargar, bilete og skrift? Jobb med å skape eit heilskapleg uttrykk som representerer perioden.
Oppdrag
Klassen skal lage banner til ei utstilling om ulike periodar i stilhistoria. Bli einige om kva for periodar de vil ha med, og fordel kven som tek ansvar for kva periode. Lag designet til banneret digitalt, og skriv det ut som plott i målestokk 1:1. Klassen bestemmer kva for storleik de vil ha på bannera. (Elevarbeida under blei laga i 60 gonger 120 cm.)
Innhald:
Banneret skal innehalde:
- namn på perioden
- tidsrommet perioden dominerte
- kort informasjon om perioden, gjerne i stikkordsform
- bilete som illustrerer det typiske for perioden
Arbeidsprosess:
- Finn ut kva som kjenneteiknar perioden du skal lage eit banner til.
- Vel ein fargepalett som passar til perioden.
- Finn bilete som viser kjenneteikn frå perioden. Pass på at bileta har ein lisens som gjer at du har lov til å omarbeide dei.
- Lag minst tre designskisser til banneret. Tenk på grafisk design, typografi og komposisjonsprinsipp.
- Vel ei av skissene, og jobb vidare med designet i Illustrator eller eit anna redigeringsprogram.
- Sjå på innhaldet og designet saman med læraren din, før du gjer banneret ferdig til trykk.
- Les korrektur og lagre fila som PDF før du skriv ut.
- Skriv ei vurdering av prosessen din og det ferdige banneret. Korleis har du fått fram perioden i designet ditt?
Innlevering:
- designskisser
- ferdig banner
- eigenvurdering
Elevarbeid frå Vågen vidaregåande skule
Filer
Relatert innhald
CC BY-SASkrive av Torhild Dahl Enoksen og Inger Gilje Sporaland.
Sist fagleg oppdatert 26.01.2020