Her lærer du praktisk produksjon innan bilete, tekst og design. Få tips om korleis du stiller inn kamera, skriv manus og skaper design som kommuniserer godt og gjer at bodskapen din treffer målgruppa.

Når du skal jobbe med grafiske design, bør du kunne grunnleggjande fargelære, fargesymbolikk og fargekontrastar. Vi opplever nemleg fargane forskjellig ut frå korleis dei er sette saman, og den samanhangen dei står i. Du må ta medvitne val slik at designet kommuniserer og appellerer til målgruppa.