Eigenvurdering for emnet skriving i mediefag

Om du kjenner deg igjen i alle påstandane nedanfor, har du studert emnet godt.

• Du forstår at skriving er ein viktig del av mediefaget, og at vi bruker skriving til mykje ulikt på linja medium og kommunikasjon.
• Du ser verdien av å utvikle skriveferdigheiter. Du ser at det kan styrkje arbeidet ditt med planlegging, utforming, produksjon, dokumentasjon og presentasjon i mediefaga.
• Du forstår at ein skriveprosess er ein produksjonsprosess med fleire fasar.
• Du har samskrive og/eller samarbeidd om å produsere tekstar med andre.
• Du har jobba med språkarbeid, som å skrive variert og lage skildringar med god rettskriving.
• Du har skrive tekstar til ulike mediesjangrar og til ulike målgrupper.
• Du har produsert ulikt tekstinnhald for skjerm og brukt ulike program for å setje saman ei digital historie.
• Du veit meir om korleis du kan kommunisere skriftleg både til interne og eksterne samarbeidspartnarar og/eller oppdragsgivarar.
• Du har fått øving i å skrive fagartiklar og nyheitssaker.