Fagartikkel
Trålfiske
Trål er ein aktiv fiskereiskap som fungerer etter sileprinsippet. Trålen er ein pose som vert slept gjennom vatnet. Fisken vert fanga inn i posen, medan vatnet vert silt ut gjennom maskene. Det finst fleire ulike typar trålar, og dei vert brukte til å fanga ulike artar.
Trålposen vert trekt etter fartøyet, og fisk og dyr som er for store til å gå gjennom maskene, vert fanga og samla opp i posen. Storleiken på maskene varierer alt etter kva ein fiskar etter. Til rekefiske bruker ein små masker.
Det er fleire måtar å halda trålen open på. Vi skil mellom
- otertrål: vert halden open med tråldører
- partrål: to fartøy tauar og held trålen utspent
- bomtrål: eitt fartøy tauar to trålar, som vert haldne utspente av ein stiv bjelke
I norsk fiskeri er det mest vanleg å bruka otertrål, altså ein trål som vert halden open av tråldører. Otertrålen finst i fleire variantar. Vi gir namn til dei ulike tråltypane etter korleis dei vert trekte, kvar i vassmassane dei fiskar, og kva dei fiskar etter.
Vi skil mellom
- botntrål – etter botnfisk og reker
- pelagisk trål eller flytetrål – i hovudsak etter kolmule eller annan industrifisk
- semipelagisk trål – i hovudsak etter same fiskeslaga som pelagisk trål
aktiv fiskereiskap | sileprinsipp | trålpose |
|---|---|---|
maskevidde | otertrål | tråldør |
bomtrål | pelagisk trål | semipelagisk |
partråling | sveipar | gir |
vingline | kuleline | botntelne |
ferskfisktrålar | frysetrålar | tråldører |