Kvifor jobbe i barnehage?

Som barne- og ungdomsarbeidar må du ha fagleg kompetanse og vere engasjert og interessert i å arbeide med barn. I filmen under fortel ein barne- og ungdomsarbeidar om kvifor ho vil jobbe i barnehage.

Barne- og ungdomsarbeidar – eit samspel med gode venner

Nina er barne- og ungdomsarbeidar. I filmen (lengde 2:14) fortel ho om det ho er oppteken av i arbeidet med barn. Ho er oppteken av å sjå kvart enkelt barn og å få eit godt forhold til dei. Dei er veldig stolte av bie-prosjektet som bidreg til at barna vil ta vare på naturen. Slik blir barna i betre stand til å ta vare på miljøet i framtida.

Film: KS Ung / Avgrensa gjenbruk

Utfordringar til deg

Kvifor kan leik og aktivitetar i naturen fremme evna barna har til å ta vare på naturen?
Korleis kan du bidra til å skape nysgjerrigheit og undring over naturen?
Korleis kan du vere ein god rollemodell for barn og unge?
Kvifor er det å vere endringsvillig ein god eigenskap for barne- og ungdomsarbeidaren?
Kva tenker du at det å jobbe med barn kan gi deg?