Etterbehandling av 3D-printa delar

Ulike etterbehandlingsmetodar

Ei vellykka 3D-printing stoppar ikkje ved printeren. Etterbehandling er nødvendig for å få det optimale resultatet. Det finst fleire metodar som gir både betre funksjon og finare utsjånad.

Mekanisk etterbehandling

Mekanisk etterbehandling inneber at du sliper, pussar og fjernar støttestrukturar. Ein printa dronepropell må til dømes ha ei glatt og balansert overflate for å fungere optimalt. Dette oppnår vi ofte gjennom sliping.

Kjemisk etterbehandling

Kjemisk etterbehandling er vanleg for materialet ABs. Då bruker vi aceton for å glatte ut overflata og gi ein blank finisj. Til dømes kan kan ein 3D-printa, dekorativ vase sjå ut som om han er profesjonelt laga etter ei kjemisk etterbehandling.

Termisk etterbehandling

Termisk etterbehandling (eller annealing) er ein prosess der du varmar opp delane for å fjerne indre spenningar. Dette aukar styrken og stabiliteten. Det er nyttig til dømes når du lagar funksjonelle komponentar som verktøyhaldarar eller festeanordningar som skal tole store belastningar.

Overflatebehandling

Overflatebehandling, som måling og coating, gir delane vern og ønskt utsjånad. Til dømes vil ein maskindel som blir brukt utandørs, trenge eit beskyttande lag måling mot slitasje.

Oppgåve: Etterbehandling av 3D-printa komponent

Print ein enkel komponent, til dømes ein nøkkelring, brakett eller liten figur, og utfør etterbehandling for å forbetre kvaliteten og utsjånaden.

Mål

Eleven skal utvikle forståing for kvifor etterbehandling er viktig for kvalitet, funksjon og utsjånad på 3D-printa produkt.

Arbeidsoppgåver

1. Fjern støttegeometri og eventuelle ujamne kantar.

2. Slip overflata med sandpapir i ulike korningar.

3. Undersøk om du kan gjere følgande med produktet:

   • måle

   • varmebehandle

   • behandle kjemisk (berre demonstrasjon eller teori ved behov)

4. Samanlikn delen før og etter etterbehandling.

5. Ta bilete og dokumenter prosessen.