Oppgåve
Kva kjenneteiknar eit godt klassemiljø?
Eit godt klassemiljø er viktig for å trivast og gjere det bra på skulen. Kva er det som kjenneteiknar eit miljø der alle har det bra?
Bilete: NTB scanpix, Shutterstock, Monkey Business Images / CC BY-NC 4.0
Kva kjenneteiknar eit bra klassemiljø? I denne oppgåva skal klassen diskutere kva dei assosierer med eit godt miljø.
Førebuing: Klassen går saman i grupper på tre–fem elevar. Kvar elev får utdelt eit blankt ark. Før de startar, riv alle kvart sitt ark i tolv–femten lappar som de legg i ein bunke framfor dykk. Lappane må vere store nok til å romme minst eitt ord.
- I løpet av eitt og eit halvt minutt skal gruppene skrive ned så mange ulike kjenneteikn på eit godt klassemiljø som mogleg. Læraren tar tida og gruppene jobbar på følgjande måte:
- Alle i gruppa skal forsøke å skrive ned så mange ord som mogleg på lappane dei har framfor seg.
- Skriv berre eitt ord på kvar lapp.
- Når éin i gruppa har skrive ned eit ord på lappen sin, roper han eller ho ut ordet høgt og legg det i midten. På den måten høyrer alle i gruppa kva for eit ord det er, og de unngår å skrive same ord fleire gonger.
- Kvar gruppe tel opp kor mange forskjellige ord dei har skrive ned. Den gruppa med flest ord vinn.
- Gruppene skal deretter ordne lappane i ulike kategoriar. Gruppene vel sjølve kva dei vil kalle dei ulike kategoriene.
- Til slutt oppsummerer de i klassen. Kva for ulike kategoriar kom gruppene fram til? Var det nokre kategoriar eller tema som ofte gjekk igjen? Var det noko viktig som mangla?