Rettleiing
Når stoppar du kjeldesøket?
Ved kjeldesøk kan tida gå fort, og du kan rote deg ut i sideliggjande tema og informasjon du eigentlig ikkje treng. Innimellom er det smart å stoppe opp og stille seg nokon spørsmål for å sjekke om du framleis er på rett veg, og om målet er nådd.
Bilete: Nanette Hoogslag / CC BY-NC 4.0
Kan du svare ja på alle desse spørsmåla, kan du avslutte søket ditt:
- Har du ei oversikt over kva slags informasjon du skal bruke frå kjeldene dine og kontroll på sjølve kjelda?
- Har kjeldene du bruker ulike vinklingar?
- Har du identifisert sentrale fagomgrep og sjekka i ulike kjelder at du forstår dei på rett måte?
- Har du sjekka ulike stader på nettet? Video, bilete, databasar, avansert søk på Google, bibliotekdatabase, delingstenester og så vidare.
- Har du undersøkt kven forfattaren og/eller publisisten er?
- Har du stilt spørsmål ved om den enkelte kjelda eigentleg er relevant for problemet du jobbar med?
- Har du undersøkt at informasjonen du har valt å bruke frå kjeldene dine er relevante for problemet?
- Har du spurt læraren din om kjeldene dine ser ok ut?