Spørjepronomen i nominativ og akkusativ
Spørjepronomenet was bruker vi på same måten som spørjepronomenet kva i norsk: Vi spør om ting, hendingar, eigenskapar osv.
Was ist das? Kva er dette?
Was kochen wir heute? Kva skal vi lage til middag i dag?
Was sind Sie von Beruf? Kva er du av yrke?
Spørjepronomenet wer betyr kven. Vi bruker det for å spørje etter personar:
Wer fehlt heute? Kven er borte i dag?
Løys utfyllingsoppgåva og sett om eksempelsetningane munnleg til norsk.
Spør etter subjektet eller objektet. Eksempel:
Ich koche Spaghetti. Wer kocht Spaghetti?
Ich koche Spaghetti. Was koche ich?
Obs! I spørsmål med wer står verbet i tredje person eintal: Wer kocht? Was schmeckt gut? Wer ist zu Hause? Wer hat Hunger? osv.
I øving 1 og 2 har du stort sett spurt etter subjektet i setninga. La oss sjå på eit eksempel:
Ich koche Spaghetti. (Wer kocht Spaghetti?)
Her er ich subjekt i setninga, koche er verbal og Spaghetti er direkte objekt. Når vi spør: Wer kocht Spaghetti?, spør vi altså etter subjektet. Om subjektet ikkje er ein person, bruker vi pronomenet was:
Unser Haus ist klein. (Was ist klein?)
I tysk står det direkte objektet i akkusativ. Eksempel:
Ich mag dich. (Eg liker deg.)
Ich er subjekt, mag er verbal og dich er direkte objekt. Dich er akkusativform av det personlige pronomenet du.
Was?
Når vi spør etter det direkte objektet, må spørjepronomenet ha akkusativform. Akkusativforma av spørjepronomenet was er også was.
Was mag er gern? – Er mag gern klassische Musik.
Kva liker han? – Han liker klassisk musikk.
Wen?
Spørjepronomenet wer har akkusativforma wen:
Wen mag ich? – Ich mag dich.
Kven liker eg? – Eg liker deg.
Spørjepronomenet wer blir bøygd som den bestemte artikkelen der.
Spørjepronomenet was blir bøygd som den bestemte artikkelen das.
I tabellen nedanfor står både nominativ- og akkusativformene:
Nominativ | Akkusativ | |
|---|---|---|
| hankjønnsartikkel der | der | den |
| spørjeordet wer | wer | wen |
| inkjekjønnsartikkel das | das | das |
| spørjeordet was | was | was |
Løys utfyllingsoppgåva og sett om eksempelsetningane munnleg til norsk.
Jobb gjerne saman med ein medelev!
Du har no lese om spørjepronomen og løyst oppgåver. Dette bør du kunne svare på no:
Kva heiter spørjepronomena wer og was på norsk?
Kva former har wer og was i nominativ (subjektsform) og akkusativ (objektsform)?
Kva form av verbet tek pronomenet wer?
Kva setningsledd spør vi etter når vi spør: Wen ...?
Har du behov for ein liten repetisjon i etterkant? Eller føretrekker du heilt enkelt å gjere grammatikkøvingar med papir og penn? Då kan du bruke vedlegget nedanfor.