Oppgåve
Kvardagsaktivitet
Vi er fødde for å bevege oss, men likevel er vi ofte det meste av tida vår i ro. Korleis kan du og andre bli meir aktive i kvardagen?
Bilete: NTB, Maskot / CC BY-NC-SA 4.0
Det finst mange moglegheiter for å bli meir fysisk aktiv. Du kan til dømes ta trappa i staden for heisen og gå til butikken i staden for å ta bussen. Det er stor forskjell på å bevege seg litt kvar dag og berre sitje i ro.
Forsking viser at du ikkje nødvendigvis må trene i helsestudio eller gå lange turar i marka eller på fjellet for å få betre helse. Sjølv små endringar i kvardagen kan gjere ein stor forskjell.