Oppgave
Video: Bør 16-åringar ha røysterett?
Kva meiner folk på gata og politikarar om røysterett for 16-åringar? Kva seier ekspertane?
Video: film_konsulentene / CC BY-NC-SA 4.0
- Er det nokre av argumenta i videoen som du tykkjer er spesielt gode? Kvifor?
- Er det nokre av argumenta i videoen som du tykkjer er spesielt dårlege? Kvifor?
Ungdomspolitikarane i videoen har ulikt standpunkt. AUF (Arbeiderpartiet) og Sosialistisk Ungdom (SV) er for, mens Senterungdommen (Senterpartiet) og Unge Høyre (Høyre) er mot. Kvifor er det slik? Jobb med punkta under for å finne svaret.
Vel eitt av partia som du vil undersøkje nærare.
- Kva er dei viktigaste argumenta for partiet i saka?
- Kva er partiet sine grunnleggjande verdiar, ideologi og hjartesaker?
- Kan du sjå nokon samanheng mellom verdiane, ideologien og hjartesakene og det standpunktet partiet har i denne saka?
- Samanlikn oppslutninga til partiet ved førre val med resultatet i skulevalet. Kan partiet ha noka interesse av å meine at 16-åringar bør / ikkje bør røyste?
- Del det du har funne, med klassen.