Oppgåve
Video
Transhumanisme
Er mennesket slik det ser ut i dag siste etappe i evolusjonen? Transhumanistane er opptekne av å bruke moderne bio- og nanoteknologi til å forbetre mennesket, og gjere oss meir intelligente og mindre sårbare overfor sjukdommar, slik at vi til sjuande og sist kan oppnå evig liv.
Sjå innslaget om transhumanisme videoen under (lengde 6:45).
Video: Terranova Media / CC BY-NC-ND 4.0
Oppgåver til videoen
I denne videoen kjem filosofane Ole Martin Moen og Henrik Syse med ulike påstandar om transhumanismen. Diskuter påstandane under. Er de einige eller ueinige? Grunngi svara dykkar.
- Vi burde bruke moderne bio- og nanoteknologi til å bli kvitt sjukdommar.
- Vi burde bruke moderne bio- og nanoteknologi til å forlengje menneske sine liv.
- Vi burde bruke moderne bio- og nanoteknologi til å skape menneske med evig liv.
- Det er ikkje nokon forskjell mellom å ønske evig liv på jorda, og ønsket om evig liv etter døden.
- Viss ny teknologi fjernar sjukdom og alderdom, vil religion bli mindre viktig.
- Forsøket på å designe mennesket kan føre til eit totalitært og undertrykkjande samfunn.
Diskusjon
Diskuter argument for og mot transhumanisme. Er transhumanisme ein utopi eller ein dystopi?
Relatert innhald
Transhumanisme
Nettside hos snl.no