Førebuingar til øvinga:

Anslått tidsbruk: 30 minutt.

• Sørg for rom til å bevege dykk i klasserommet.
• Peik ut ein ende av rommet som skal vere der du stiller deg om du er einig i ein påstand, ein stad i den andre enden av rommet for deg som er ueinig, og ein stad midt mellom desse.
• De kan godt leggje eit ark på golvet ved kvar stad, med høvesvis teksten "einig", "ueinig" og "både-og".

Læraren les opp desse påstandane:

1. Det politikarane held på med, angår ikkje meg.
2. Eldre folk bryr seg lite om oss unge.
3. 16-åringar er ikkje modne nok til å ta ansvarlege val.
4. Vi unge hadde fått det betre, viss vi fekk vere med og stemme.
5. 16-åringar kan ingenting om politikk.

• No skal elevane vise korleis dei stiller seg til påstanden, ved å gå til rett stad.
• For kvar påstand skal elevar frå kvar stad få høve til å forklare kvifor dei står der dei er.
• Det er lov å bevege seg i løpet av denne runden, dersom du forandrar meining på bakgrunn av noko som blir sagt.