Regelverket rundt køyre- og kviletid

Føremålet med dette lovverket er mellom anna å vareta trafikksikkerheita. Regelverket skal sikre at yrkessjåførar ikkje køyrer for lange økter, og at dei tek pausar for ikkje å bli ukonsentrerte og slitne. Regelverket er likt for alle EU/EØS-land.

Dersom desse reglane ikkje blir følgde, kan det skape stor fare i trafikken. Blir det avdekt brot på reglane ved ein kontroll, kan ein få store bøter.

I alle tunge køyretøy er det pålagt å ha montert ein fartsskrivar som registrerer køyre- og kviletida.

Ein som køyrer tunge køyretøy, må ta naudsynte pausar og ikkje køyre for lenge. Slik kan ein oppretthalde sikkerheita og overhalde arbeidstida for sjåførar. Dette er mellom anna regulert med ein maksimal køyreperiode og krav om døgnkvil og vekekvil.

I presentasjonen nedanfor får du ei innføring i lover og reglar som regulerer køyre- og kviletida til ein yrkessjåfør.

• Regelverk rundt køyre- og kviletid(PDF)