Fagartikkel
Komprimator
Her skal du lære om komprimatorar, eller renovasjonsbil eller søppelbil, som det òg blir kalla.
Renovasjonsbil. Bilete: volvotrucks.com / CC BY-NC 4.0
Ein bil med komprimator er det same som ein renovasjonsbil eller søppelbil. Det ville vore dårleg utnytting av køyretøyet om ein måtte køyre søppel i laus vekt, og derfor er bilane no utstyrte med komprimator som pressar lasten saman slik at volumet blir redusert.
Når renovatøren fester dunken i tømmeapparatet og vippar dunken opp, kjem det opp ei plate som pressar avfallet framover i påbygget med stor kraft.
Søppeltømming. Bilete: volvotrucks.com / CC BY-NC 4.0