Fagartikkel
Fartsskrivar
Ein fartsskrivar blir montert i køyretøyet for å registrere køyre- og kviletida til sjåføren.
Fartsskrivar. Bilete / CC BY-SA 4.0
Alle som køyrer godstransport med eit køyretøy som veg meir enn 3,5 tonn inklusiv tilhengar eller semitrailer, eller køyrer persontransport med fleire enn ni personar inklusiv sjåføren, må følgje den lovpålagde køyre- og kviletida.
For å kunne køyre eit slikt køyretøy må du ha førarkort i riktig klasse og eit sjåførkort utferda av Statens vegvesen. Sjåførkortet blir brukt til registrering i fartsskrivaren.
Statens vegvesen og politiet fører kontroll med køyre- og kviletida. Brot på reglane kan innebere store bøter for sjåførane.
Det er arbeidsgivaren eller bileigaren som er ansvarleg for at køyretøyet er utstyrt med dette utstyret.
Relatert innhald
Fagstoff
Køyre- og kviletidHer lærer du om lover og reglar rundt køyre- og kviletid og konsekvensar av å ikkje følgje dei.