Oppgåve

Sjekkliste og sikkerheitsforskrift

Når vi utfører varme arbeid, blir det stilt strenge krav til sikkerheit og dokumentasjon. Vi må ha gyldig sertifikat, og vi må bruke sjekkliste og sikkerheitsforskrift når vi planlegg arbeidet. Målet er å unngå fare for skade eller brann.

Redningsarbeidarar i aksjon ved ein brann. Foto. — Om uhellet skulle vere ute, er det viktig at du har følgt alle instruksjonane og har nødvendige sertifiseringar.

Sikkerheitsforskrift

Sikkerheitsforskrifta for varme arbeid er utarbeidd av Finans Norge og gjeld alle arbeidsoppgåvene der ein brukar open flamme eller varme luftstrålar, og arbeidsoppgåver der det kan oppstå gneistar. Forskrifta krev at arbeidstakaren har gyldig sertifikat for varme arbeid. For å få dette sertifikatet må ein gå gjennom godkjend opplæring og ta ei teoretisk prøve.

Sjekkliste

Før arbeidet startar, skal det fyllast ut ei sjekkliste (ofte kalla arbeidsinstruks). I dette dokumentet skal brannfaren vurderast og førebyggande tiltak dokumenterast. Sjekklista fungerer som risikovurdering, løyve og bevis på at sikkerheitskrava er oppfylte.

Obligatoriske delar av gjennomgangen er tiltak som brannvakt og sløkkeutstyr, og kontroll av arbeidsområdet før, under og etter arbeidet. Saman bidreg sjekkliste, sikkerheitsforskrifter og sertifikat til å verne både menneske, bygningar og verdiar mot brann.