Filmsamling: Rakettomn
Introduksjon
Ein rakettomn er eit enkelt og nyttig prosjekt. Her kan du prøve deg fram med grunnleggande sveiseteknikkar. I den første filmen (lengde 1:19) får du ein kort presentasjon av arbeidsoppdraget.
Modellering
Før du lagar ein konstruksjon, bør du lage ei teikning du kan produsere etter.
I filmen under (lengde 3:24) viser vi deg korleis du bruker CAD-verktøy til å modellere ein robust og solid omn, med fokus på Autodesk Fusion 360. Du kan overføre trinna til dei fleste CAD-program.
Saging
Skal du lage delar, må du ofte sage. I denne filmen (lengde 2:41) får du vite korleis du bruker ei bandsag til å kappe firkantrøyr nøyaktig og effektivt. Du lærer òg korleis skjerevæske bidreg til eit presist og haldbart resultat.
Plasmaskjering
Vi kan òg skjere metall ved hjelp av luft og straum. I denne filmen (lengde 2:21) viser vi korleis du bruker ein plasmakuttar for å lage nøyaktige utskjeringar i firkantrøyr med fokus på tryggleik, effektivitet og praktisk tilpassing til behovet for prosjektet.
Punktsveising/heftsveising
Viss du skal montere mange delar, er det ikkje alltid formålstenleg å sveise alle skøytane i eitt. Det kan vere lurt å sveise berre små punkt, så du er sikker på at alle delane passar saman.
I filmen under (lengde 2:40) lærer du korleis MAG-sveising blir brukt til å punktsveise omnen, med fokus på grunnleggande oppsett av sveiseutstyr, tilpassing av spenning og kor viktig heftsveising er for vidare arbeid.
Heilsveising
Når du har punkta (punktsveisa) omnen og ser at alle delane passar, er konstruksjonen klar for heilsveising.
Filmen under (lengde 4:10) gir ei grundig innføring i heilsveising av omnen ved hjelp av MAG-sveising, med fokus på korrekt innstilling av spenning, trådmating og bruk av dekkgass for å få ei sterk og jamn sveisefuge.
Reinsing med sveisetong
Etter litt sveising treng utstyret ofte litt vedlikehald for å få godt sveiseresultat. I filmen (lengde 1:18) får du tips og råd om vedlikehald av MAG-sveiseutstyret ditt.
MAG-sveising: tips og råd
Får du fine sveisar?
I filmen under (lengde 1:44) forklarer vi korleis du kan handtere utfordringar ved MAG-sveising av grove strukturar, slik som denne omnen.
Luftspjeld
Omnen treng eit luftspjeld for å kontrollere lufttilgangen i forbrenninga.
Denne filmen (lengde 1:39) viser korleis du lagar og monterer luftspjeldet for å kontrollere den forbrenninga.
Støttebein
Omnen blir fort varm. Viss han står på eit brennbart underlag, kan det vere risiko for brann også utanfor omnen.
Filmen (lengde 1:22) viser korleis du sveiser støttebein som hevar omnen frå bakken og gjer han trygg å bruke.
Kjelehaldar
Når du først har fått varme i omnen, kan det vere fint å bruke varmen til noko fornuftig. Kan du koke eller steike mat på omnen?
Denne filmen (lengde 1:17) viser korleis du kan lage ein kjelehaldar til koke- eller steikeutstyr.
Mateluke
Slike omnar står utandørs i vêr og vind. Du må lage ei verneluke for å unngå at det regnar inn på veden, eller at vinden forstyrrar forbrenninga.
I denne filmen (lengde 1:39) viser vi korleis du kan lage ei luke til materøyret på omnen. Luka vernar materøyret mot vêr og vind, og gir omnen ei praktisk og sikker forbrenning.
Oskeskuff
Oskeskuffen gjer det enkelt å tømme omnen for oske, og han sørger for god forbrenning. Filmen (lengde 1:38) gir deg tips og råd om korleis du kan lage ein slik skuff.