Oppsett av kjemikalbad
Film om oppsett av kjemikalbad (3:03)
Før du handterer kjemikala, må du sørge for å lese sikkerheitsdatablada nøye og ta på deg nødvendig verneutstyr. Start med å plassere dei fire behaldarane på arbeidsbordet, så kan du fylle i dei ulike kjemikala.
Sjekk alltid databladet til kjemikala før du tek dei i bruk, og hugs nødvendig verneutstyr ved bruk av kjemikal.
Framgangsmåte
Reingjeringsbad
Fyll den første behaldaren med avfeittingsmiddel for å fjerne feitt og fingeravtrykk frå delane. Skyl delane godt med vatn etterpå.
Etsebad
Fyll den andre behaldaren med ei blanding av kaustisk soda og vatn for å fjerne det naturlege oksidlaget. Bruk varmbestandige glasbehaldarar sidan blandinga genererer varme. Etsing gir ei mattere overflate jo lenger delen er i badet.
Anodiseringsbad
Fyll den tredje behaldaren med svovelsyre (20 prosent konsentrasjon) for å bygge opp eit nytt oksidlag. Hell oppi nok til at heile delen kjem til å bli dekt, og plasser opphenget laga av titan eller aluminium i behaldaren.
Fargebad (valfritt)
Etter anodisering kan du dyppe delane i fargebad mens oksidlaget framleis er porøst. Dette gir ein slitesterk farge som blir ein del av oksidlaget.
Forseglingsbad
Til slutt blir dyppar du delane i varmt vatn for å forsegle oksidlaget og forbetre korrosjonsmotstanden.
Spørsmål
Kva gassar blir danna under prosessen, og i kva situasjon kan dei utgjere ein fare?
Vil prosessen gå fortare eller saktare om syra blir blanda til høgare konsentrasjon? Bruk gjerne internett for å finne ut dette.
Korleis vil temperaturen påverke prosessen?
Når du blandar ut svovelsyra, skal du ha syra i vatn eller vatn i syra?
Relatert innhald
Datablad for helse, miljø og sikkerheit (HMS) er viktige dokument for å bli kjend med faremoment ved ulike stoff.
Registrer eit kjemikal som finst på din eigen verkstad.