NDLA-boksen

Lag din eigen Arduino-boks

Når du skal kople og programmere ein Arduino, blir det ofte mange leidningar og koplingar. Viss du kan samle Arduino, sensorar og aktuatorar, leidningar og koplingar i ein eigen boks, blir boksen som ei lita styringseining eller datamaskin.

Komponentane til boksen skriv du ut med ein 3D-skrivar. Sist i artikkelen finn du nedlastbare filer som kan overførast direkte til ein 3D-skrivar eller hentast inn i eit CAD-program og modifiserast der.

Gjer eigne modifikasjonar

Ønsker du å kople til andre sensorar og aktuatorar, til dømes skjerm, servomotor, trykk-knappar, DC-motor eller andre aktuelle komponentar, er det berre å ta mål av komponenten og modifisere anten lokk eller sidevegger slik at komponenten kan festast.

• Kanskje du kan lage ein sidevegg med RFID-lesar og ein servomotor slik at du kan simulere opning av ei dør med eit kort eller ei brikke?

• Kva med ein lyssensor og ein lysdiode som simulerer automatisk lysregulering basert på utvendig lys?

• Kva med å lage eit piano med trykk-knappar for tangentar og ein buzzar som lagar dei ulike tonane?

Moglegheitene er mange, det er nesten berre fantasien som set grenser.

• Arduino boks plain v1(STEP)
• Botn Arduino-boks(STL)
• Lokk Arduino-boks(STL)
• Komponentplate(STL)
• Komponentplate Arduino-boks(STL)
• Komponentplate med hol for 4 relé(STL)
• Kortside med Arduino-interface(STL)
• Kortside med bananpluggar(STL)
• Langside med bananpluggar(STL)
• Langside blank(STL)
• Sambindingsmutter Arduino-boks(STL)