Una introducción al juego

• Det tek cirka 45–60 minutt å gjennomføre sjølve kodekammeret.

• Elevane kan jobbe i par eller i grupper på tre, og dei bør notere på papir undervegs. Skriv gjerne ut støttearket som ligg over kodekammeret.

• Be gjerne elevane om å legge frå seg mobiltelefonane. Kodekammeret skal gjennomførast utan hjelpemiddel.

• Det er ein fordel om elevane har jobba litt med prinsesse Kristina før dei speler. NDLA har både tekstar, oppgåvesider og ein teikneserie om ho i emnet La princesa Cristina de Tunsberg, og det finst òg eit emne om pilegrimsreiser.

• Vis gjerne introduksjonsfilmen på storskjerm, og snakk med elevane om innhaldet etterpå.

• Kodekammeret startar utanfor katedralen i Burgos. Opningsscena er eit bilete med nummererte klikkpunkt (1–6) som skjuler ulike oppgåver og aktivitetar:

  • ei kort gloseliste og informasjon om staden ein har komme til

  • ei mini-gloseprøve som ein må bestå for å komme vidare

  • lese- og lytteoppgåver som krev eit løysingsord for å låse opp neste trinn

• Elevane skal innom seks ulike "rom". Kvart rom er ein ny stoppestad langs pilegrimsvegen som elevane må utforske for å finne klikkpunkta.

• Du kan gi hint eller hjelpe til med løysingsord viss nokon står fast. Vil du få tilsendt ei lærarrettleiing som inkluderer løysingsorda? Send førespurnad til hjelp@ndla.no.

• Her er eit diplom som elevane kan få når dei har fullført pilegrimsreisa:

Diplom til nedlasting

• Diplom: El Camino de San Olav(PDF)