Oppgåve
Toelhkesth diktem «Aejverde»
Daelie datne edtjh diktem «Aejverde» toelhkestidh maam Gaebpien Gåsta tjaaleme. Nuhtjh raerieh gosse barkeminie.
Laavenjasse
Toelhkesth diktem Aejverde.
Daennie laavenjassesne datne edtjh diktine «Aejverde» barkedh, maam Gaeptien Gåsta tjaaleme. Daesnie raerieh guktie maahtah barkedh.
Aalkoe
Dikte jïh tjaelijen bïjre
- Guktie gærjan nomme gustie dikte veedtjeme?
- Gåessie dikte-gærja bæjhkoehtamme?
- Gåsta jienebh gærjah jallh teeksth tjaaleme? Ohtsedh gaskeviermesne.
Åejvie-boelhke
- Åtnoe-lyrihke, jargne-lyrihke, sïejme teekste, persovneles teekste, laavlome-lyrihke, gærja-lyrihke, vuelie? Maam vïenhth sjeahta? Buerkesth dov vaestiedassem.
- Man bïjre dikte vïenhth? Tjaelieh aktem raajesem.
- Guktie dikte bigkeme? Maam akt sjïere? Buerkesth.
- Dikte maallen mietie tjaaleme jallh ij? Buerkesth man åvteste datne vïenhth tjaelije veeljeme tjaeledh guktie tjaaleme.
- Gïehtjedh diktem, guktie tjaaleme? Mah gïeleldh vierhkie-viehtieh nåhtadamme? Tjaelije maam akt seammalaakan tjaaleme gellien aejkien? Kontrastem gaavnh? Tsööpkeldihkie? Viertiestimmieh? Metafovrh? Symbolh? Rijmh? Tjaelieh maam gaavnh jïh guktie gïeleldh vierhkie-vierhtieh diktem baajnehtieh. Guktie tjaelije gïeleldh vierhkie-vierhtieh nåhtede? Gïeleldh vierhkie-vierhtieh dikten teemam baajnehtieh?
- Manne-gïele diktesne? Jis, dellie gåhtjobe «dïhte lyrihke manne». Jis lyrihke manne diktesne, dellie datne tjoerh lahtestidh maam «manne» jeahta, jïh aaj man åvteste jeahta maam jeahta.
Galhkuve
Daelie edtjh iktedimmiem tjaeledh.
Datne daelie seammalaakan diktem toelhkesth goh voestes aejkien lohkih?
Mij teema jïh man bïjre tjaelije tjaala?
- Maam vïenhth tjaelije sæjhta daejnie diktine soptsestidh? Tjaelieh åenehkslaakan.