Komposisjovne

Guktie teekste bigkesovveme

Komposisjovne lea guktie tjaelije teekstem ektesne bïejeme jallh bigkeme. Gosse mijjieh episke teeksten komposisjovnem goerehtibie, dellie mijjieh maam akt jiehtebe guktie tjaelije heannadimmiem bigkeme. Dasnie naan gyhtjelassh mah datnem viehkiehtieh gosse edtjh komposisjovnem goerehtidh:

• Guktie teekste aalka?

  • Teekste vuekine «In medias res» aalka? Gaskoeh heannadimmine?
  • Heamturh gellien aejkien aalka: «Ikth lij ...», «Akten aejkien ...»
• Maam tjaelije referaatine soptseste?
• Maam tjaelije scenigujmie soptseste?
• Mij akt teekstesne gååvnese mij åvtese tjuvtjede?
• Mij akt teekstesne gååvnese mij bååstide tjuvtjede?
• Guktie teeksten galhkuve?