Barkh vielie baakoejgujmie

1. laavenjasse

Veeljh aktem teemam saemien aerpie-maahtoste. Tjaelieh åenehkslaakan teeman bïjre, medtie 30 baakoeh.

1. Eatnemen bïjre: dajve, juvrh, ledtieh, sijjie-nommh, jaepie-boelhkh, vearelde, lopme- jïh daelhkie.

2. Båatsoen bïjre: båatsoe-jaepie, gåatome, bovtsen mïerhkh, bovtsen guelmieh, båatsoe-bïenje.

3. Göölemen bïjre: viermie-jadtehtimmie, håagkome.

4. Ovmessie darjomes: duedtie/vætnoe, vïjreme, bivteme, lidteme, möörjeme.

2. laavenjasse

1. Veeljh aktem skuvle-teemam dov ööhpehtimmie-programmeste jallh ektie-faagijste. Tjaelieh åenehkslaakan teeman bïjre, medtie 30 baakoeh.

2. Mah baakoeh datne daaroen-gïeleste löönih? Seamma jïjnjh lööneme-baakoeh 1. jïh 2. laavenjassesne daarpesjih?

3. Man teeman bïjre aelhkebe tjaeledh, dan voestes jallh dan mubpien? Buerkesth mannasinie.

3. laavenjasse

1. Mah daaroen baakoeh eah saemien-gïelesne gååvnesh?

2. Mah saemien baakoeh eah daaroen-gïelesne gååvnesh?

3. Maehtebe daejtie baakojde jarkoestidh? Jis ibie maehtieh, guktie dellie? Vuesehth jïh buerkesth.

4. Mah baakoeh gïerve jarkoestidh? Buerkesth mannasinie.

4. laavenjasse

Digkiedidie.

1. Mehtie gïeleste bööremes orre baakoeh löönedh? Daaroen-gïeleste? Englaanten-gïeleste? Noerhte-saemien gïeleste? Svöörjen-gïeleste?

2. Daerpies orre baakoeh löönedh saemien-gïelese? Mannasinie, mannasinie ij?