Sitaate
Sitaate-reakta
Gellie njoelkedassh gaaltije-åtnoen bïjre gååvnesieh guktie gaaltijh nuhtjedh jïh saarnodh. Sitaate-reakta akte daejstie.
Ryöktesth sitaate
Sitaath mah åeniehkåbpoe goh göökte linjah, edtjh heereme-væhtaj sïjse tjaeledh. Dellie tjoerh tjaelijen minngie-nommem, jaepiem jïh sæjroem tjaeledh, v.g.:
Åvte-nuelie lea dïhte bearkoe mij dennie haabpesne (Bull 2001, s. 61).
Sitaath mah guhkebe goh göökte linjah, tjoerh gåaroes linjam lissiehtidh dovne sitaaten bijjelen jïh nualan, v.g.:
Tjuara nejpine eensi-laakan bïjre dejtie guehpieridie naajedh, jïh seamma gadtsesen jïh tjerkien gaskoeh. Dehtie aktede raedteste die edtjh baajedh guktie tjerkie sjædta dabran dennie gaamesen gadtsesne (Bull 2001, s. 58).
Jis tjaelijen nommem teekstesne tjaalah, dellie jaepiem jïh sæjroem tjaalah paranteesese, v.g.:
Bull (2001, s. 58) jeahta naemhtie jis juelkieh njellieminie.
Ov-ryöktesth sitaate – parafraase
Datne maahtah boelhketjem jallh vihkeles tsiehkieh åehpiedehtieh jïjtjedh baakoejgujmie. Dellie ov-ryöktesth sitaatem, jallh parafraasem, nuhtjh. Mujhtieh dellie aaj eensilaakan tjaeledh gustie datne bïevnesidie veedtjeme, v.g.:
Gærjesne Dejpeladtje muvhth vuekieh jïh vätnoeh Ella Holm Bull åarjelsaemien kultuvren bïjre tjaala gusnie jeenemes leah båatsoe-jieliemistie. Bull tjaala guktie edtja darjodh gosse juelkieh njellieminie jïh mah vihkele ussjedidh gosse dejnie barkeminie. (Bull 2001, s. 58)
Mujhtieh gærjam gaaltije-læstose tjaeledh mestie vaalteme.
Relatert innhald
Daelie edtjh gaaltije-åtnojne jïh gaaltije-laejhteminie barkedh.