Åarjelsaemien voestesgïeline

Faagen bïjre

Saemien voestesgïeline learohkh edtjieh gïelemaahtoem evtiedidh dovne njaalmeldh jïh tjaaleldh gïelesne. Dah saemien lidteratuvrine åahpenieh jïh lierieh guktie tjiehpies gïeleutniejinie sjïdtedh. Faage edtja lohkeme- jïh tjaelemelastoem skreejredh, jïh viehkiehtidh hijven lïerehtimmievuekieh evtiedidh.

Ållesth learoevierhtieh

Mijjieh daam learoevierhtiem learoesoejkesjen mietie evtiedamme. Faagevierhtiejgujmie learohkh maehtieh goerehtidh jïh kreatijvelaakan barkedh. Lissine edtjieh ussjedadtedh, soptsestalledh, digkiedidh, tjaeledh, ektiedimmiem vuejnedh, laejhtehks årrodh jïh numhtie vijriebasse. Faage lea saemien kultuvrese jïh identiteetese vïedteldihkie.

Guktie faagem bigkeme

Mijjieh veeljeme faagem naemhtie juekedh

• Saemiestidh

• Gïele goh nuepie

• Teekstine barkedh

• Tjaeledh

• Gïelegellievoete Saepmesne

• Gïele goh systeeme

• Gaaltijh jïh gaaltije-laejhteme

Prosjeektedåehkie

Kråangken jåarhkeskuvle jïh Aajege/Rørosen jåarhkeskuvle daejnie learoevierhtine laavenjosteme. Trööndelagen fylhkentjïelte prosjeektem eekie. Prosjeekte beetnehvierhtieh Saemiedigkeste, Trööndelagen fylhkentjïelteste jïh NDLA:ste (Nasjonal Digital Læringsarena) åådtjeme.