Gearodh
Daelie lïerh
baakoeh gieriesvoeten bïjre
baakoeh gieriesvoeten bïjre nuhtjedh
tekstese goltelidh jïh vuesiehtidh dam guarkah
1. Lohkh jïh soptsesth
Mij lea?
Gieriesvoete lea lyjhkedh jïh iehtsedh.
Gearome lea aavoe jïh gearjoe.
Håjnoesvoete lea sårkoe jïh ohtselimmie.
Soptsesth guvviej bïjre
Vuartesjh guvvide, soptsesth mah domtesh vuajnah.
2. Ussjedh jïh vaestedh
3. Lïerh verbide nuhtjedh
4. Laavenjasse
5. Lïerh daejtie adjektijvide
Attributt | Predikat | Daaroen |
|---|---|---|
aerkies | aerkie | nervøs |
| gieltegs | gieltege | spennende |
| tjaebpies | tjaebpie | fin |
| vietseles | vietsele | trivelig, grei |
| veaksehks | veaksehke | sterk |
| saavrehks | saavrehke | veltrent, utholdende |
| lustes | luste | artig, morsom |
| gïemhpes | gïemhpe | snill |
| vijsies | vyjsehke | klok |
| stinkes | stynkehke | pålitelig, stødig |
| lolleske | lolleske | sjalu |
| jåasah, jåasoeh | jåasan, jåasoen | dum, tåpelig |
| geerve | geerve | vanskelig |
6. Darjoeh laavenjassem
7. Goltelh jïh vaestedh
Guktie bist datnine Meerje
Tekstversjon
Sööfe: Guktie bist datnine, Meerje? Datne dovne aavone jïh ånnetji aerkies vååjnh.
Meerje: Ovva, manne gearoemisnie.
Sööfe: Man gieltege! Gie dïhte læhkoeladtje?
Meerje: Aanta dïhte.
Sööfe: Guarkam, datne jïjnjem Aantan bïjre soptsestamme. Jïh dïhte dovne tjaebpie jïh vietsele.
Meerje: Nov amma! Jïh dïhte veaksehke jïh saavrehke. Joekoen luste jïh gïemhpe aaj.
Sööfe: Kaanne ånnetji fer gïemhpe?
Meerje: Aellieh, Sööfe!
1. boelhketje
Sööfe: Guktie bist datnine, Meerje? Datne dovne aavone jïh ånnetji aerkies vååjnh.
Meerje: Ovva, manne gearoemisnie.
Sööfe: Man gieltege! Gie dïhte læhkoeladtje?
Meerje: Aanta dïhte.
Sööfe: Guarkam, datne jïjnjem Aantan bïjre soptsestamme. Jïh dïhte dovne tjaebpie jïh vietsele.
Meerje: Nov amma! Jïh dïhte veaksehke jïh saavrehke. Joekoen luste jïh gïemhpe aaj.
Sööfe: Kaanne ånnetji fer gïemhpe?
Meerje: Aellieh, Sööfe!
Vaestedh gyhtjelasside.
Mah nommh govlh?
Gie lea gearoemisnie?
Gïese dïhte györe?
8. Goltelh jïh vaestedh
Mah datne Aantam daan iehkeden
Tekstversjon
Sööfe: Mah datne Aantam daan iehkeden feestesne gaavnedh?
Meerje: Nov sån. Manne feestese aavodem, voelpigujmie lustestalledh, jïjnjem daanhtsodh. Men kråvvedem aaj… Ussjedem edtjem Aantese soptsestidh guktie domtem.
Sööfe: Men Aanta sån daajra datne sutnjien györe. Kaanne dïhte aaj seammalaakan domtoe? Dåtnoeh gujht daamtaj ektesne.
Meerje: Im raakte daejrieh. Joe göökten jaepien juassah voestes aejkien skuvlesne buarastehtimen, jïh dan mænngan jïjnjem ektesne hæhtadamme. Månnoeh ektesne saavreme, juelkietjengkere-gæmhpomh vuartasjamme, trafikaale maadth-kuvsjem dorjeme, beapmoeh jurjiehtamme, jïh baarre lustem åtneme. Tuhtjem Aanta joekoen vietseles kaarre. Lustem åtnam gosse leam Aantan ektine.
Sööfe: Mah dåtnoeh Aantah tjuvliestamme?
Meerje: Ij gåessie gan. Men månnoeh faerhmiestamme goh eejehtimmien mænngan sinsitniem vihth råakeme.
Sööfe: Mah datne Aantan gïeteste steereme?
Meerje: Im doesteme pryövedh gænnah.
2. boelhketje
Sööfe: Mah datne Aantam daan iehkeden feestesne gaavnedh?
Meerje: Nov sån. Manne feestese aavodem, voelpigujmie lustestalledh, jïjnjem daanhtsodh. Men kråvvedem aaj… Ussjedem edtjem Aantese soptsestidh guktie domtem.
Sööfe: Men Aanta sån daajra datne sutnjien györe. Kaanne dïhte aaj seammalaakan domtoe? Dåtnoeh gujht daamtaj ektesne.
Meerje: Im raakte daejrieh. Joe göökten jaepien juassah voestes aejkien skuvlesne buarastehtimen, jïh dan mænngan jïjnjem ektesne hæhtadamme. Månnoeh ektesne saavreme, juelkietjengkere-gæmhpomh vuartasjamme, trafikaale maadth-kuvsjem dorjeme, beapmoeh jurjiehtamme, jïh baarre lustem åtneme. Tuhtjem Aanta joekoen vietseles kaarre. Lustem åtnam gosse leam Aantan ektine.
Sööfe: Mah dåtnoeh Aantah tjuvliestamme?
Meerje: Ij gåessie gan. Men månnoeh faerhmiestamme goh eejehtimmien mænngan sinsitniem vihth råakeme.
Sööfe: Mah datne Aantan gïeteste steereme?
Meerje: Im doesteme pryövedh gænnah.
Vaestedh gyhtjelasside.
Man guhkiem Meerje jïh Aanta voelpine orreme?
Maam dah guaktah ektesne hæhtadamme?
Meerje man bïjre soptseste maam ij doesteme darjodh. Maam ij doesteme?
9. Goltelh jïh vaestedh
Guktie bist dov gieriesvoetine Sööfe?
Tekstversjon
Meerje: Guktie bist dov gieriesvoetine, Sööfe? Dåtnoeh din gearoemisnie?
Sööfe: Nov maa sinsitniem iehtsien. Jïh naan aejkien joekoen hijven, juktie dïhte lea vyjsehke jïh stynkehke. Dellie ussjedem dïhte munnjien sjeahta. Men naan aejkien gaajh nåake, gosse dïhte lolleske jïh jåasoen, guktie ussjedem ij munnjien sjïehth. Numhtegh hov lea.
Meerje: Gåessie dïhte jåasoen datne tuhtjh?
Sööfe: Gosse im asth maam hæhtadidh, dellie gellien aejkien ringkie gihtjie maam darjoeminie. Mohte gosse astem, dellie ij dïhte sïjhth maam darjodh.
Meerje: Kaanne ij dïhte dellie asth. Jallh kaanne naan aejkien barre geerve.
Sööfe: Men daelie tuhtjem gieltiegåbpoe dotnine. Daan iehkeden vïenhtem datne nuepiem åadtjoeh.
Meerje: Jis doestem...
3. boelhketje
Meerje: Guktie bist dov gieriesvoetine, Sööfe? Dåtnoeh din gearoemisnie?
Sööfe: Nov maa sinsitniem iehtsien. Jïh naan aejkien joekoen hijven, juktie dïhte lea vyjsehke jïh stynkehke. Dellie ussjedem dïhte munnjien sjeahta. Men naan aejkien gaajh nåake, gosse dïhte lolleske jïh jåasoen, guktie ussjedem ij munnjien sjïehth. Numhtegh hov lea.
Meerje: Gåessie dïhte jåasoen datne tuhtjh?
Sööfe: Gosse im asth maam hæhtadidh, dellie gellien aejkien ringkie gihtjie maam darjoeminie. Mohte gosse astem, dellie ij dïhte sïjhth maam darjodh.
Meerje: Kaanne ij dïhte dellie asth. Jallh kaanne naan aejkien barre geerve.
Sööfe: Men daelie tuhtjem gieltiegåbpoe dotnine. Daan iehkeden vïenhtem datne nuepiem åadtjoeh.
Meerje: Jis doestem...
Vaestedh gyhtjelasside.
Maam åadtjoeh daejredh Sööfen mïelehken bïjre?
Gåessie Sööfen mïelehke gellien aejkien ringkie?
10. Lohkh abpe soptsestallemem
Göökte voelph soptsesteminie
Sööfe: Guktie bist datnine, Meerje? Datne dovne aavone jïh ånnetji aerkies vååjnh.
Meerje: Ovva, manne gearoemisnie.
Sööfe: Man gieltege! Gie dïhte læhkoeladtje?
Meerje: Aanta dïhte.
Sööfe: Guarkam, datne jïjnjem Aantan bïjre soptsestamme. Jïh dïhte dovne tjaebpie jïh vietsele.
Meerje: Nov amma! Jïh dïhte veaksehke jïh saavrehke. Joekoen luste jïh gïemhpe aaj.
Sööfe: Kaanne ånnetji fer gïemhpe?
Meerje: Aellieh, Sööfe!
Sööfe: Mah datne Aantam daan iehkeden feestesne gaavnedh?
Meerje: Nov sån. Manne feestese aavodem, voelpigujmie lustestalledh, jïjnjem daanhtsodh. Men kråvvedem aaj… Ussjedem edtjem Aantese soptsestidh guktie domtem.
Sööfe: Men Aanta sån daajra datne sutnjien györe. Kaanne dïhte aaj seammalaakan domtoe? Dåtnoeh gujht daamtaj ektesne.
Meerje: Im raakte daejrieh. Joe göökten jaepien juassah voestes aejkien skuvlesne buarastehtimen, jïh dan minngelen jïjnjem ektesne hæhtadamme. Månnoeh ektesne saavreme, juelkietjengkere-gæmhpomh vuartasjamme, trafikaale maadth-kuvsjem dorjeme, beapmoeh jurjiehtamme, jïh baarre lustem åtneme. Tuhtjem Aanta joekoen vietseles kaarre. Lustem åtnam gosse leam Aantan ektine.
Sööfe: Mah dåtnoeh Aantah tjuvliestamme?
Meerje: Ij gåessie gan. Men månnoeh faerhmiestamme goh eejehtimmien mænngan sinsitniem vihth råakeme.
Sööfe: Mah datne Aantan gïetem steereme?
Meerje: Im doesteme pryövedh gænnah.
Meerje: Guktie bist dov gieriesvoetine, Sööfe? Dåtnoeh din gearoemisnie?
Sööfe: Nov maa sinsitniem iehtsien. Jïh naan aejkien joekoen hijven, juktie dïhte lea vyjsehke jïh stynkehke. Dellie ussjedem dïhte munnjien sjeahta. Men naan aejkien gaajh nåake, gosse dïhte lolleske jïh jåasoen, guktie ussjedem ij munnjien sjïehth. Numhtegh hov lea.
Meerje: Gåessie dïhte jåasoen datne tuhtjh?
Sööfe: Gosse im asth maam hæhtadidh, dellie gellien aejkien ringkie gihtjie maam darjoeminie. Mohte gosse astem, dellie ij dïhte sïjhth maam darjodh.
Meerje: Kaanne ij dïhte dellie asth. Jallh kaanne naan aejkien barre geerve.
Sööfe: Men daelie tuhtjem gieltiegåbpoe dotnine. Daan iehkeden vïenhtem datne nuepiem åadtjoeh.
Meerje: Jis doestem...
Vaestedh
Tjaelieh maam Meerje tuhtjie jïh ussjede Aantan bïjre. Nuhtjh jiehtegh goh: "Manne åtnam...", "Manne tuhtjem...", "Manne vïenhtem...".
Mannasinie Meerje feestese aavode?
Mannasinie feestese kråvvede?
Ohtsedh jïh tjaelieh raajesem/raajesidie mah soptsestieh Sööfen lea mïelehke.
Sööfen mïelen mietie sov mïelehke sutnjien dovne sjeahta jïh ij sjïehth. Mah tuhtjie leah mïelehkinie hijven?
Mah Sööfe tuhtjie mïelehkinie nåake?
Tjaelieh tekstem 3. persovnine maam soptsestallemem vaajeste.