5. Beapmoe-bovresne
Daelie lïerh:
gihtjedh jïh vaestiedidh
mah beapmoeh jïh jovkemesh jueskiedahkesne gååvnesieh
mah beapmoeh jïh jovkemesh eah gååvnesh
maam åestedh jïh maeksedh beapmoe-bovresne
1. Soptsesth
Mah beapmoeh jïh jovkemesh daennie jueskiedahkesne?
2. Goltelh jïh orresth
Goltelh soptsestallemem Meerjen jïh onne-åabpan gaskemsh.
Jiehtieh munnjien
Tekstversjon
Meerje: Jiehtieh munnjien mij lea jueskiedahkesne.
Onne-åabpa: Daesnie munnieh, vuasta, gejhkie-bearkoe, juvse jïh mielhkie.
Meerje: Dellie tjuerien laejpiem, voejem, gampam, kavijaarem jïh majoneesem åestedh.
Onne-åabpa: Jïh gåahtah.
Meerje: Gåahtah beapmoe? Ij leah.
Onne-åabpa: Nov sån munnjien.
Jiehtieh munnjien mij lea jueskiedahkesne
Meerje: Jiehtieh munnjien mij lea jueskiedahkesne.
Onne-åabpa: Daesnie munnieh, vuasta, gejhkie-bearkoe, juvse jïh mielhkie.
Meerje: Dellie tjuerien laejpiem, voejem, gampam, kavijaarem jïh majoneesem åestedh.
Onne-åabpa: Jïh gåahtah.
Meerje: Gåahtah beapmoe? Ij leah.
Onne-åabpa: Nov sån munnjien.
Viehkie
Gåahtah njaelkies jïh joekoen sieties.
Goltelh jïh vaestedh
Mij lea jueskiedahkesne?
Goltelh ikth vielien aejkien, maam datne måjhtah?
Goltelh vihth, maam dellie måjhtah?
3. Darjoeh orre soptsestallemh
Lohkh soptsestallemem.
Tjaelieh göökte orre soptsestallemh gusnie datne beapmoeh jïh jovkemsh målsoeh.
Lohkh daejtie orre soptsestallemidie.
– Jiehtieh munnjien mij lea jueskiedahkesne.
– Daesnie munnieh, vuasta, gejhkie-bearkoe, juvse jïh mielhkie.
– Dellie tjuerien laejpiem, voejem, gampam, kavijaarem jïh majoneesem åestedh.
– Jïh gåahtah.
– Gåahtah beapmoe? Ij leah.
– Nov sån munnjien.
4. Tjaelieh
Datne edtjh bovresne mïnnedh beapmoeh jïh jovkemesh åestedh. Maam sïjhth åestedh?
Tjaelieh åesiestimmie-læstoem.
5. Goltelh jïh orresth
Goltelh soptsestallemem Meerjen jïh onne-åabpan gaskemsh beapmoe-bovresne.
Manne åesiestimmie-læstoem dutnjien lohkem
Tekstversjon
Meerje: Manne åesiestimmie-læstoem dutnjien lohkem, dellie datne ohtsedh.
Onne-åabpa: Desnie moere-muerjieh. Eahpelh sïjhtem.
Meerje: Ij leah læstosne.
Onne-åabpa: Man åvteste, manne eahpelh sïjhtem.
Meerje: Nov sån. Bïejh dellie 5 eahpelh påassese. Daelie læstoem dutnjien lohkem.
Onne-åabpa: Manne måjhtam, voestegh laejpiem jïh dellie voejem, gampam jïh minngemes gåahtah.
Meerje: Huvva ligen, gåahtah, gåahtah.
Onne-åabpa: Laavadahkese.
Meerje: Ij leah mov nuekies beetnegh. Gaavnh dellie kavijaarem jïh majoneesem.
Onne-åabpa: Gåatan sïjhtem.
Meerje: Voestegh maeksedh.
Onne-åabpa: Skodth dellie!
Meerje: Vuertieh ånnetji!
6. Goltelh jïh vaestedh
Mah beapmoe-baakoeh datne govlh?
Mij lea åesiestimmie-læstoe?
Gie dam åesiestimmie-læstoem låhka?
Gie beapmoeh ohtsede jïh gaavna?
Mah beapmoeh åesiestimmie-læstosne?
Maam vielie onne-åabpa sæjhta åestedh?
7. Goltelh jïh orresth
Duelie, dov våaroe
Tekstversjon
Åesiestæjja: Duelie, dov våaroe.
Meerje: Hijven.
Åesiestæjja: Vielie sïjhth?
Meerje: Im sïjhth, nuekies munnjien. Sïjhtem maeksedh.
Åesiestæjja: Dellie 315,– kråvnah sjædta.
Meerje: Duelie.
Åesiestæjja: Duelie, 35,– kråvnah bååstede.
Meerje: Gæjhtoe.
Åesiestæjja: Gæjhtoe seamma.
Man jïjnje bååstede?
Viehkie
Daesnie nöörjen kråvnah. Maahtah vielie guvvien bïjre soptsestidh?
Maam datne vuajnah, man jïjnje beetnegh? Vïjhteluhkie-kråvnan beetnegem, ..., jïh ... vuajnam.
Dov leah jeatjah beetnegh goh nöörjen?
Vaestedh
Man jïjnjem Meerje tjuara maeksedh?
Man jïjnjem Meerje åesiestæjjeste bååstede åådtje?
Man jïjnjem dellie Meerje åesiestæjjese vadta?
8. Darjoeh orre soptsestallemh
Tjaelieh göökte orre soptsestallemh gusnie datne maaksoem målsoeh.
Lohkh daejtie orre soptsestallemidie.
– Duelie, dov våaroe.
– Hijven.
– Vielie sïjhth?
– Im sïjhth, nuekies munnjien. Sïjhtem maeksedh.
– Dellie 315,– kråvnah sjædta.
– Duelie.
– Duelie, 35,– kråvnah bååstede.
– Gæjhtoe.
– Gæjhtoe seamma.
9. Darjoeh laavenjasside
Målsoeh raajesi objektem
Målsoeh raajesi objektem akten-taaleste gellien-taalese.
10. Goltelh jïh orresth
Magkerh eahpelh datne sïjhth åestedh
Tekstversjon
– Magkerh eahpelh datne sïjhth åestedh?
– Guktie dah kruana eahpelh maejstieh?
– Dah kruana eahpelh ånnetji suvries.
– Nååts dah rööpses eahpelh?
– Dah hov sieties.
– Dellie manne aktem rööpses eahpelem jïh dejtie njieljie kruana eahpalidie åastam.
11. Tjaelieh
Jåerhkieh soptsestallemem.