3. Lyjhkedh jïh gearodh
Daelie lïerh
gihtjedh jïh vaestiedidh
domtesi bïjre
vïenesvoeten jïh gearomen bïjre
1. Goltelh jïh laavloeh
Goltelh laavlomem Skuvlen tjaebpemes baernie maam Marja Mortensson lååvle.
Laavloeh datne aaj.
2. Goltelh jïh orresth
Datne daajrah
Tekstversjon
A: – Datne daajrah, daan våhkoen orre baernie mov skuvlesne eelki.
B: – Orre baernie, man gïeltege! Guktie dan nomme?
A: – Laara dan nomme.
B: – Man båeries dïhte?
A: – Mahte luhkie-njieljien jaepien båeries.
B: – Gubpede båata?
A: – Oslovistie.
B: – Oslovistie? Gubpede slïekte båata?
A: – Tjidtjebe Aarborteste. Gubpede aehtjebe, dam im daejrieh.
B: – Guktie vååjnoe?
A: – Dan leah tjeehpes voepth jïh mïrhke aaj tjelmieh.
B: – Dïhte tjaebpie?
A: – Jaavoe, joekoen tjaebpie.
Vaestedh
Gïeh sinsitnine soptsestægan?
Gïen bïjre soptsestægan?
Guktie baernien nomme?
Man båeries lea?
Gubpede dïhte båata?
Gubpede dan slïekte?
Guktie dïhte vååjnoe?
3. Diedtieh rïektes vaestiedasside
Mij reaktoe?
4. Goltelh jïh orresth
Orre baernine annje soptsestamme
Tekstversjon
A: – Orre baernine annje soptsestamme? Guktie bist dan nomme, Laara?
B: – Jaavoe, Laara. Dejnie soptsestem mahte fïerhten biejjien.
A: – Man bïjre dåtnoeh soptsestalleden?
B: – Gaajhken bïjre, maam lyjhkoe darjodh, voelpi bïjre jïh guktie Oslovistie diekie båetedh.
A: – Man gïeltege. Guktie tuhtjie orre skuvlese båetedh?
B: – Sov voelph Oslovisnie ohtsele, men tuhtjie hijven mijjen skuvlesne aaj.
A: – Datne Laaram lyjhkh?
B: – Manne dam lyjhkem. Dïhte vietsele, jïh gïemhpe aaj.
A: – Dïhte ajve vietsele jïh gïemhpe? Ij goh gåessie gænnah nåekieslaakan dåemedh?
B: – Ij gåessie gan! Manne satnem lyjhkem dan åvteste mannem guarkoe. Mov orre buerie voelpe dïhte.
Vaestedh
Man bïjre Saara jïh Laara sinsitnine soptsestallægan?
Guktie Laarese orre skuvlese båetedh?
Guktie Saara tuhtjie Laara lea?
Man åvteste Saara Laaram lyjhkoe?
5. Tjaelieh voelpese
Tjaelieh voelpese jïh soptsesth man åvteste satnem lyjhkh.
Gieries ...
Manne datnem lyjhkem,
dan åvteste datne ...
dan åvteste datne ...
... .
Viehkie
Daah adjektijvh maahtah viehkine nuhtjedh:
Ussjedallh jïh vaestedh
Hvilke former av adjektivene brukte du? Forklar hvorfor.
6. Goltelh jïh orresth
Guktie gåarede dov orre voelpine
Tekstversjon
A: – Guktie gåarede dov orre voelpine?
B: – Dïhte sæjhta Oslovasse vihth geasan gosse skuvle-jaepie orrije.
A: – Mannasinie?
B: – Jeahta sov voelph Oslovisnie ohtseleminie. Jïh aehtjebem aaj ohtsele.
A: – Guktie dellie dutnjien domtoe?
B:– Munnjien gaajh nåake domtoe.
A: – Datne maahtah Oslovasse dan gåajkoe guessine mïnnedh.
B: – Aellieh! Im dam maehtieh.
A: – Mannasinie?
B: – Luste orreme, men im doesth.
A: – Ih goh doesth, mannasinie?
B: – Ajve, im doesth.
A: – Datne gearoemisnie?
Vaestedh
Mannasinie Laara sæjhta Oslovasse vihth geasan?
Guktie Saarese domtoe?
Maam Saara ij doesth?
Datne vïenhth Saara gearoemisnie?
7. Lohkh jïh lïerh
Raajesh
- Datne gearoemisnie?
- Er du forelsket?
- Dåtnoeh ektesne?
- Er dere to sammen?
- Manne datnem lyjhkem.
- Jeg liker deg.
- Manne datnem eahtsam.
- Jeg elsker deg.
- Dov mïelehke?
- Har du kjæreste?
- Dov nïejte?
- Har du kjæreste (jente)?
- Dov baernie?
- Har du kjæreste (gutt)?
8. Lohkh jïh soptsesth
Maam datne ussjedh gosse tekstem lohkh? Soptesth.
Gieries voelpe
Datnem lyjhkem, datnem ohtselem.
Dov voelpeste
9. Tjaelieh soptsestallemem
Tjaelieh soptsestallemem Saara jïh Laaran gaskemsh.
10. Tjaelieh
Jåerhkieh soptsesem Saara jih Laaran bïjre jïh tjaelieh guktie gåarede.