Oppgåve
Utopi eller dystopi?
Er framtida lys eller mørk? Treng vi både utopiar og dystopiar? Reflekter og diskuter!
Svar på oppgåvene individuelt og diskuter svara i klassen etterpå.
Ungdommar i dagens samfunn er meir bekymra for framtida enn før. Ifølge ei undersøking i 2024 er berre 11 prosent av ungdommar i dag optimistar. Dei er bekymra for klima og miljø, krig og uro, eigen økonomi og eigne framtidsmoglegheiter (Mikkelsen & Larsen, 2024). Kvifor trur du at så mange ungdommar no har eit meir negativt syn på framtida enn tidlegare generasjonar?
- Om du tenker på dagens filmar, bøker og tv-seriar – er det flest utopiar eller dystopiar? Kvifor er det slik, trur du?
- Treng vi fleire utopiar eller fleire dystopiar? Eller klarer vi oss tvert imot best utan dei? Prøv å finne argument både for og imot.