Fagartikkel
Proporsjonar
For at ein kniv skal fungere godt, må han liggje godt i handa. Skaftet bør tilpassast i både lengd, tjukn og form. Knivbladet må formast ut etter kva funksjon kniven skal ha. I tillegg ønskjer kunden eit produkt som ser bra ut. Storleiksforholdet mellom dei ulike delane kallar vi proporsjonar.
Du må ta stilling til storleiksforholdet mellom skaft og knivblad for at smørkniven skal bli funksjonell. Bilete: Knut Ivar Sørheim, Inger Gilje Sporaland / CC BY-NC 4.0
Ein bukett skal ha optisk og teknisk balanse. Bilete: Hanne Merethe Riskedal Staurland / CC BY-SA 4.0
Interiør står plassert i ei utstilling med utgangspunkt i tredelsregelen. Bilete: Kråkvik & D'Orazio, Trine Hisdal / CC BY-NC-ND 4.0
Proporsjon betyr forhold. Når vi komponerer, tek vi stilling til kor store dei ulike elementa skal vere i forhold til kvarandre. I fleire handverk forheld du deg til visse proporsjonar.
Ein blomsterdekoratør bør til dømes la 1/3 av høgda til buketten vere under bindepunktet og 2/3 over. Nokre gonger kan det også vere omvendt. På den måten oppnår ein optisk balanse.
Buketten må også ha teknisk balanse, slik at han ikkje veltar mot den eine sida i vasen.
Poenget med storleiksforhold er at heilskapen skal bli best mogleg. For å skape dynamikk i arbeidet kan du unngå midten og heller bruke tredelsregelen eller det gylne snittet. Dette vil då gi eit proporsjonalt forhold på 1 : 2.