Formkontrast

Film: Formkontrastar

I filmen under (lengde 1:26) får du ein introduksjon til kva formkontrastar er, og til korleis du kan bruke dei i dine eigne komposisjonar.

Formkontrast i komposisjonar

Av og til ønsker du å framheve noko i ein komposisjon slik at det tiltrekker seg ekstra merksemd. Då kan du bruke formkontrast for tydeleg å skilje dette elementet frå andre element. Du kan til dømes gjere det mykje større enn det som elles er i komposisjonen.

Andre gonger ønsker du å skape variasjon med ein liten kontrast. Ulike former i same storleik er døme på det.

Komposisjonar utan kontrastar blir fort kjedelege. Element som kan danne kontrastar i og mellom former, er til dømes:

• rund mot kanta
• liten mot stor
• open mot lukka

• klar mot uklar

• kompleks mot enkel

• organisk mot geometrisk

I animasjonsfilmen under (lengde 1:58) ser vi først på kva som kjenneteiknar geometriske og organiske former. Deretter viser vi formkontrasten som oppstår når vi set geometriske og organiske former mot kvarandre.