Arbeidsoppdrag
Skoutstilling – no er det vår!
Korleis kan du gi eit par med skor merksemd? Lag ei utstilling som får fram at det er vår og som speglar stilen og trenden du har valt i skorne.
Digitale skisser og utstilling laga av Eili Susort frå Vågen videregående skole. Bilete: Eili Susort / CC BY-NC 4.0
Ein skobutikk har gitt deg i oppdrag å eksponere ein av nyheitene i vår. Du vel sjølv eitt par med sko som skal vere utgangspunktet for arbeidet ditt.
Utstillinga skal ha eit vårlig preg og få fram stiluttrykket og trenden du har valt i skorne. Hovudmaterialet er papir eller kartong, men du kan òg bruke andre materiale og gjenstandar du har tilgjengeleg. Teknikken er valfri.
Dette skal vere med i utstillinga:
- bakgrunn
- eksponeringsutstyr
- 1 par sko
- 1–2 valfrie rekvisittar
- sjølvlaga dekor i papir eller kartong
- Kva forbind du med våren?
Skriv ned assosiasjonar og teikn raske skisser i lite format. - Kva slags trend representerer skotypen du har valt?
- Finn ut kven som kan vere målgruppa for denne skotypen.
Lag eit moodboard, der du visualiserer kva slags stil denne målgruppa kan ha.
- Bruk stiluttrykket frå idéutviklinga di, og lag skisser til korleis du kan setje saman utstillinga di. Eksperimenter med ulike komposisjonsprinsipp og fargar som kan gi assosiasjonar til vår.
- Vel ut den beste skissa, og lag ei arbeidsteikning i riktig målestokk.
- Lag utstillinga og ta bilete av resultatet.
Digitale skisser laga av Bushra Husen Jahir ved Vågen videregående skole. Bilete: Bushra Husen Jahir / CC BY-NC 4.0
Presenter arbeidsprosessen din og det ferdige produktet.
Vurder:
- kva assosiasjonar utstillinga gir til temaet vår
- korleis du eksponerer skorne
- korleis utstillinga appellerer til målgruppa
Innlevering:
- moodboard for målgruppe
- skisser og arbeidsteikning i riktig målestokk
- utstillinga
- digital presentasjon av arbeidsprosessen din og det ferdige produktet
Relatert innhald
Fagstoff
Stil, trend og moteMote er skiftande smaksretningar, trend er langtidstendensar i ei utvikling, og stil er formspråk som er typisk for ein periode eller ei retning.
Fagstoff
KomposisjonKomposisjon handlar om å setje saman delar til ein heilskap. Vi bruker komposisjonsprinsipp for å skape bestemde uttrykk i design, produkt eller arbeid.