Øvelse
Asymmetrisk og symmetrisk balanse i foto
I denne øvinga skal du fotografere arkitektur i byen, tettstaden eller bygda der du bur. Kanskje har du eit spennande bygg, moderne eller gammalt, i nærområdet ditt? Bruk det gylne snittet eller tredelsregelen for å skape symmetriske og asymmetriske komposisjonar.
Gå nært på motivet og leit etter asymmetrisk og symmetrisk balanse. Bilete: Tom Knudsen / CC BY-SA 4.0
Her ser du eit døme på asymmetrisk balanse. Bilete: Tom Knudsen / CC BY-SA 4.0
Tema: arkitektur.
Og her ser du eit døme på symmetrisk balanse. Bilete: Tom Knudsen / CC BY-SA 4.0
Fotografer arkitektur i nærområdet ditt. Bruk det gylne snittet eller tredelsregelen i utsnitta dine.
Leit etter asymmetrisk og symmetrisk balanse i motiva du fotograferer.
Legg fotoa inn i eit biletredigeringsprogram og teikn inn tredelingslinjene. Eller skriv ut bileta og teikn inn tredelingslinjene med tusj.
Kva i motivet blir blikkfang, kvar er det plassert, og kvifor ser du dette først?
Er fotoet i balanse? Kva skaper balanse i dei asymmetriske komposisjonane?
Bilete: Tom Knudsen / CC BY-SA 4.0
Relatert innhald
Fagstoff
Tredelsregelen og det gylne snittetDet gylne snittet er ei deling av ei linje eller flate som vi opplever som harmonisk. Komposisjonsprinsippet har vore brukt sidan antikken.