Det økologiske fotavtrykket mitt

• Tenk: Kva for faktorar påverkar det økologiske fotavtrykket ditt? Lag eit tankekart.
• I par: Vis tankekartet ditt til ein annan. Finn likskapar og forskjellar.
• Del: Diskuter i klassen. Korleis kan vi redusere det økologiske fotavtrykket vårt?

Finn ut kva som bidreg mest til det økologiske fotavtrykket ditt i den førehandsutfylte oversikta "Beregn ditt fotavtrykk" på Ducky. Her kan du legge inn dine eigne tal for blant anna bruk av varer og tenester.

1. Kvifor må du oppgi den samla inntekta til hushaldet, trur du?
2. Undersøk kva som ligg i kategorien "Offentleg".
3. På kva for område har du eit høgare forbruk enn gjennomsnittet?
4. På kva for område vil det monne mest at du reduserer?
5. Å reise med fly bidreg til 0,28 kg CO2-ekvivalentar per kilometer per passasjer per år. Finn ut kor du kan fly, viss heile forbruket ditt bestod av å reise med fly.

1. Ta utgangspunkt i den kategorien der du har størst bidrag. Prøv deg fram i kalkulatoren ved for eksempel å endre på
   1. kor mykje kjøtt du et
   2. kor ofte du reparerer øydelagde ting
   3. kor ofte du reiser med fly
2. Finn ut kva som har størst innverknad på det økologiske fotavtrykket ditt.
3. Vel ut 1–2 tiltak du kan gjere for å redusere bidraga dine til utslepp. Formuler eit mål som både er realistisk og konkret, for eksempel: "Eg skal gå til skulen kvar dag." Ta også med kor mykje tiltaket ditt vil redusere fotavtrykket. Viss du reknar om reduksjonen frå talet på kg CO2e til for eksempel flyreiser, så er det lettare å skjøne kor stor reduksjonen er.
4. Lag ein digital plakat med målet ditt eller ei oppfordring til andre. Du kan lage plakaten med programvare på PCen din eller på nettet.

Klassen kan lage ei utstilling av plakatar på skulen, eller dele plakatane i sosiale medium og på skolen sine infoskjermar.