Forbrenningar

Førstegradsforbrenning

• Berre det ytre laget av huda er påført brannskade.
• Huda er vond, raud og hoven.
• Det blir rekna som ein liten brannskade dersom skaden ikkje dekker eit større område og ikkje sit i lysken, setet, ansikt, hender eller føter.

Andregradsforbrenning

• Både det ytret og det neste laget i huda har vorte påført brannskade.
• Huda er raud, flekkete, hoven og det vil oppstå blemmer.
• Personen vil ha sterke smerter.
• Det blir rekna som ein større brannskade viss skaden er større enn 5–7 cm i diameter eller sit i lysken, setet, ansikt, hender eller føter.

Tredjegradsforbrenning

• Alle laga i huda er brannskadde.
• Huda kan vere forkola eller ho kan sjå kvit og tørr ut.

• Personen har smerter.

Fjerdegradsforbrenning

• Liknar på tredjegradsforbrenning, men i tillegg til huda er òg underhudsfeitt, musklar og/eller beinvev skadd.

Ring 113 ved større og alvorlege forbrenningar. Her vil du få rettleiing og hjelp.

Førstegradsforbrenning kan ein i dei fleste tilfelle behandle sjølv.

• Avkjøl det brente området med vatn med ein gong – vatnet skal halde ca. 20 grader, hald skaden i vatnet i 20 minutt. Hos barn skal det berre nyttast lunka vatn.
• Ikkje stikk hol på blemmer.
• Fjern smykke og liknande som sit i nærleiken av skaden.
• Klede på skadd område blir fjerna når området er avkjølt. Ikkje fjern klede som sit fast i huda.
• Det skadde området blir halde høgt.
• Ved behov for legehjelp blir det skadde området dekt før transport. Bruk tynn plastfolie eller noko anna som ikkje festar seg. Ikkje bruk salve, olje eller liknande.

• Ver òg merksam på eventuelle pustevanskar viss personen har pusta inn røyk. Følg i tilfelle instruksjonane i artikkelen Den første undersøkinga.