Montere og demontere segerring

Film om å montere segerring (1:17)

Kva er ein segerring?

Ein segerring er ein type låsering som blir brukt for å halde maskindelar på plass, anten på ei aksling (utvendig) eller i ei boring (innvendig). Han blir festa i spor som er tilpassa ringen, og gir ein sikker låsefunksjon.

Slike segerringar blir òg kalla sikringsringar.

Ulike dimensjonar og bruksområde for låseringar finn du i Verkstedhåndboka.

Verktøy for segerringar

For å jobbe med segerringar treng du spesialtenger. Det er to typar tenger: innvendige og utvendige.

Innvendige tenger blir brukte til ringar som skal monterast inne i ei boring. Tonga blir klemd saman for å trekke ringen saman.

Utvendige tenger blir brukte til ringar som skal monterast på utsida av ein aksling. Tonga blir brukt til å utvide ringen.

Montering og demontering av segerringar

Montering

Førebu segerringen ved å montere han på rett tong for innvendig eller utvendig montering.

Innvendig montering

• Klem segerringen saman med tonga.

• Sett han inn i sporet i boringa.

• Sørg for at ringen klikkar på plass heile vegen rundt.

Utvendig montering

• Utvid segerringen med tonga.

• Plasser han rundt akslingen, slik at han treffer sporet.

• Hjelp eventuelt til med å dytte ringen på plass.

Kontroll: Sjekk at ringen er riktig montert og sit jamt i sporet, anten på akslingen eller i boringa.

Demontering

1. Vel rett tong: Sørg for at du bruker anten ei innvendig eller ei utvendig tong, avhengig av plasseringa av segerringen.

2. Plasser tonga i hola eller hakka på ringen.

3. Bruk tonga til å anten klemme saman ringen (innvendig) eller utvide han (utvendig).

4. Fjern ringen varsamt frå spora når han er laus.