Bruk av mikrometer

Film om mikrometer (1:04)

Kva er eit mikrometer?

Eit mikrometer er eit presisjonsmåleinstrument som blir brukt til å måle små dimensjonar, til dømes diameteren på ein aksling. Det finst både analoge og digitale utgåver. Eit riktig brukt mikrometer gir svært nøyaktige avlesingar, ofte ned til tusendels millimeter.

Delar

Dei bevegelege delane på mikrometeret er

tønna

den roterande delen som blir justert for å måle storleiken på objektet

strammeskruen

ein liten skrue bak som sørger for presisjon ved hjelp av ei momentfjør

låsemekanismen

held målinga fast for enklare avlesing

Framgangsmåte

Før du skal bruke eit mikrometer, er det viktig at du kontrollerer om mikrometeret er i godkjend stand og ikkje har nokre skadar.

Førebuing

• Kontroller mikrometeret: Sørg for at det er kalibrert og i god stand.

• Plasser akslingen: Set akslingen mellom målepunkta på mikrometeret.

Måling

Justering:

• Drei tønna med den store justeringsskruen til måleflatene til mikrometeret ligg an på akslingen.

• Bruk strammeskruen bakarst for å sikre presis måling. Stram til du høyrer eller kjenner eit klikk frå momentfjørene.

Sjekk fleire stader:

• Mål på fleire punkt langs akslingen for å kontrollere at han er heilt rund og ikkje oval.

• Flytt mikrometeret rundt akslingen og gjenta målinga.

Låsing og avlesing

Lås mekanismen ved å bruke låsemekanismen for å halde fast tønna. Dette sikrar at innstillinga ikkje blir forandra mens du tek mikrometeret bort frå akslingen.

Les av målinga:

• Fjern mikrometeret frå akslingen.

• Les av verdien på skalaen med ro og presisjon.