Fagartikkel
Muring med teglstein
Teglstein er stein produsert av leire. Det er eit gammalt byggjemateriale som stammar frå oldtida, og det blir brukt i dag. Teglstein er eit ikkje-brennbart byggjemateriale. Det har gjennom tida vorte pålagt brukt i blant anna byar, med tanke på branntryggleik. Teglstein har eit stort bruksområde.
Når vi bruker teglstein i ulike murverk, så byggjer vi opp veggen i ei eller anna form for forband. Kvart lag med murstein kallar vi eit skift. Mellom kvart skift og mellom kvar stein i skiftet legg vi mørtel. Dette kallar vi for ei fuge.
Den første videoen viser korleis ein murar med teglstein i halvsteins forband.
Muring med teglstein. Video: John Gunnar Johnsrud / CC BY-SA 4.0
Neste video viser eit døme på muring av eit rullskift.
Rullskift. Video: John Gunnar Johnsrud, Frode Andre Sletholen / CC BY-SA 4.0
For å tilpasse teglsteinen til ei bestemt lengde må vi kunne dele han. Det kan gjerast med hammar og settmeisel, som vist i neste video.
Deling av teglstein. Video: Frode Andre Sletholen / CC BY-SA 4.0
Etter kvart som du murar opp teglsteinen må fugene bli jamna ut og reinska. Det må du gjere før mørtelen blir for turr. Du utfører då ein pinnespekk, som kan gjerast som i videoen under.
Fuging. Video: John Gunnar Johnsrud / CC BY-SA 4.0