Lag gjengeramme
Eit vanleg måleomgrep i fleire fag er senteravstand c/c, eller som vi seier: senter/senter.
I røyrleggarfaget brukar vi ofte omgrepet senter/senter røyr, det vil seie at vi måler frå midt i eit røyr til midt i eit anna røyr. Viss vi til dømes skal montere eit røyrstrekk i eit tak med fleire røyr, kan vi seie at dei til dømes skal liggje med ein avstand på 10 cm senter/senter mellom kvart røyr. Målemetoden c/c er utgangspunktet for denne røyroppgåva.
Smijernsrøyra blir leverte i lengder på 6 meter, og for å kappe desse røyra er det enklast å bruke ein bandsag eller ein røyrkuttar. Då bruker vi «kalde» kappemetodar og unngår å kome i konflikt med reglane for varme arbeid.
- Kapp røyra i riktig lengde. Du kan ikkje kappe røyret 500 mm, men finne ut kor mykje olbogen «byggjer». Det er avstanden frå enden av gjenget i olbogen til senter i den (sjå teikning). Den avstanden må du trekkje frå på begge sider for å kome fram til kor langt røyret skal vere. Hugs å gjere det same med union og T-stykke.
- Du må hampe røyra for at skøytane skal bli tette. Då må du òg impregnere hampen med gjengepasta.
- Skru saman delane med røyrtong. Pass på å skru saman til du har det rette målet, utan å skru så hardt at du øydelegg røyrdelane.
- Lag gjenge på røyra. Det enklaste er å bruke ei elektrisk gjengemaskin for å «slå» gjenge på røyret. Det går òg an å bruke ei manuell gjengeskralle.
- meterstokk
- bandsag
- røyrkuttar
- gjengemaskin
- røyrtong
- skrustikke
3/4 tomme er dimensjonen på dei fleste delane i denne oppgåva.
- smijernsrøyr
- olboge
- tippunion
- T-stykke
- hamp
- gjengepasta
Senteravstand, lekkasjar, nøyaktigheit, bruk av verktøy og utnytting av materiale blir vurderte.
Her kan du lage din eigen dokumentasjon av jobben. Hugs å lagre dokumentet før du avsluttar.
Filer
- Gjengeramme(SKP)
Vedlagt er tegning laget med tegneprogrammet SketchUp