Lag betongbjelke
Betongbjelken du skal lage, er vist tilnærma slik han ser ut i verkelegheita. Du ser han i eit perspektiv som er på skrå ovanfrå. Vi har sett på mål så det blir lettare å samanlikne med plan- og snitt-teikningane under. Vanlegvis er det berre plan og snitt-teikning som viser kva vi skal byggje.
Teikningane som viser kva vi skal byggje, viser ikkje korleis forskalinga blir bygd. Det må du finne ut av sjølv. Her er eit forslag til korleis du kan lage forskalingskassettar. Kassettane kan brukast til å lage forskaling for betongbjelken og er spesielt godt eigna til forskaling for fundament. Måla på endestengene må du bestemme sjølv. Monter forskalinga som vist på filmen.
Armeringa gjer at betongen toler strekk. Her skal du leggje armering i alle fire hjørne av bjelken. Det gjer at han kan brukast som bjelke same kva veg du legg han. Han kan òg brukast som søyle. Armeringa blir kappa og blir bøygd til dei måla som er sette på teikningane under. Monter armeringa som vist på filmen.
- Betongen blir blanda i ein sementblandar og blir fylt i forskalinga til riktig høgde (høgdejenter).
- Film som viser blanding av betong.
- For at betongen skal fylle alle hjørne og kantar i forskalinga, må han komprimerast med ein vibrator. Viss du ikkje har vibrator, kan du bruke ei stong som blir rørt raskt opp og ned i betongen.
- Glatt betongen på toppen med eit brett slik at du får ei fin overflate.
- Forskalinga kan rivast neste dag viss det er varmegrader der du støyper.
Hammar
Gjerdesag
Måleband/meter
Batteridrill med bitar
Armeringskuttar
Bøyeapparat for armeringsjern
Jernbindartong
Krit til merking
Sementblandar
Spade
Trillebår
Kryssfinerplater 1500 x 750
Trelast 30 x 98
Spikar: 75 mm galvanisert, 65 mm dobbelthovud
Forskalingsskruar 50 mm
Armeringsstolar
Jernbindartråd
Før denne jobben startar, må du og dei du skal jobbe saman med, utføre ein sikker jobbanalyse.